Información xeral

Rama de coñecemento: Ciencias Sociais e Xurídicas.
Duración mínima: 4 anos.
Prazas: 40 (Campus de Pontevedra)
Linguas empregadas: castelán e galego
Sitio web: www.gradodireccionygestionpublica.com

A principal fortaleza do Grao en Dirección e Xestión Pública é o seu carácter multidisciplinar ao combinar as seguintes áreas de coñecemento: Ciencia Política e da Administración, Contabilidade, Dereito, Economía, Empresa, Estatística, Informática, Mercadotecnia e Socioloxía. Grazas a esta heteroxeneidade de coñecementos, o Grao orienta aos alumnos/as dun xeito integral cara a dirección e xestión das organizacións públicas e daquelas organizacións privadas cunha relación estreita coa Administración. Ademais é de salientar a existencia de:

• Un plano de titorización individual que asigna a cada alumno, unha vez matriculado, un profesor-titor encargado de guialo a través da súa estadía na universidade, tanto dende o punto de vista académico como administrativo.
• A realización, no último cuadrimestre e con carácteobrigatorio, dun Traballo de Fin de Grao que permita avaliar, de maneira conxunta, os coñecementos e competencias adquiridas polos estudantes en todo o seu período formativo.
• A realización de Prácticas en Institucións, Empresas e Organizacións Públicas, como elemento dinamizador e de conexión co mundo laboral.

Obxectivos xerais

• Proporcionar ao estudantado unha base sólida de coñecementos e habilidades básicas en torno á xestión nas organizacións públicas e do terceiro sector.
• Xerar no estudantado a capacidade de afrontar a análise da contorna política, social e económica con espírito crítico.
• Promover o interese na Administración e Xestión Pública preparando e orientando ao estudantado cara estudos de especialización nun segundo ciclo de educación superior.
• Proporcionar ao estudante instrumentos de aprendizaxe e investigación para dotalo de maior autonomía.

Perfís profesionais

A estrutura do plano configurouse en torno aos seguintes perfís dos futuros graduados en Dirección e Xestión Administrativa:

• Técnico de Organizacións Públicas que inclúe 4 subperfís:
  • Técnico en Administracións Públicas
  • Xestor de Organizacións Públicas
  • Analista de Políticas Públicas: Perfil orientado a
  • Analista Político
• Xestor de Proxectos que comprende 3 subperfís:
  • Asesor e Consultor
  • Analista de Políticas Públicas
  • Axente de Desenvolvemento Local

Saídas profesionais

En función deste perfís, as saídas profesionais do Grao en Dirección e Xestión Pública están dirixidas ó ámbito público –Administracións Públicas estatais, autonómicas e locais-, ben de xeito directo (funcionario ou persoal laboral, previa superación das probas oportunas), ben de xeito indirecto como técnicos de servizos para estas administracións ou outras organizacións tales como Mancomunidades, Comarcas ou Consorcios. Tamén no ámbito privado o graduado en Dirección e Xestión Pública pode acceder a postos de traballo en empresas (asesorías e consultoras) en ONGs ou en fundacións.

Coordinadores

Profesor coordinador e responsable de Grao: Celso Cancela Outela
Coordinador de módulo Dirección Pública: Enrique Varela Álvarez
Coordinador de módulo Xestión Pública: Xosé Mahou Lago
Coordinador de módulo Contexto e Sistema: Patricia Valcárcel Fernández
Coordinador de módulo Prácticas Externas: Enrique Varela Álvarez

Máis información

Máis información na páxina web do Grao en Dirección e Xestión Pública.