Alejandro Rodríguez estuda o Grao en Comunicación Audiovisual na Universidade de Vigo e posteriormente trasládase a Madrid para realizar o Máster en Dirección de Cine e Series na Escola de Artes TAI. Reside actualmente na capital, onde compaxina os seus proxectos como director con outros traballos no departamento de dirección.

Dirixe a súa primeira curtametraxe en 2016, titulada “Fume”, coa que consegue os seus primeiros recoñecementos e coa que asenta as bases dos seus seguintes proxectos. Nos anos seguintes realiza outras pezas máis pequenas ata que, en 2021, dirixe a súa última curtametraxe, “Nido”, e o proxecto documental “O que queda”, ambas en distribución na actualidade.